Kandidati për një mandat të ri si kryetar i Komunës së Vushtrrisë nga radhët e PDK-së, Ferit Idrizi, së bashku me kandidatët për Kuvendin Komunal, Fatmir Osmani, Jeton Gjaka dhe Daut Maxhuni, kanë zhvilluar një takim me banorët e “Mahallës së Sheqerave” në Vushtrri.
Gjatë këtij takimi u diskutua për projektet dhe punët e realizuara gjatë mandatit të kaluar, si dhe për planet e ardhshme të cilat, sipas Idrizit, do të kenë synim përkujdesjen dhe investimet në çdo lagje të qytetit.
Idrizi ka falënderuar banorët për pritjen e ngrohtë dhe përkrahjen e vazhdueshme që i kanë dhënë, duke theksuar se kjo mbështetje është motiv shtesë për të vazhduar punën.
- Advertisement -
