Manchester City, Liverpooli, Real Madrid dhe Juventus janë skuadrat e para që janë kualifikuar në mesin e tetë skuadrave më të mira të Champions Leagues këtë sezon, dhe tre emrat e njohur anglezë e shohin vetëm një fitues.
Rio Ferdinand, Steven Gerrard dhe Frank Lampard – të cilët po analizonin ndeshjen mes Tottenhamit dhe Juventusit të mërkurën në studion e BT Sport – kanë arritur një konsensus rreth skuadrës që do ta ngritë trofeun më 26 maj.
Dhe është Real Madridi.
Ish-yjet e Manchester United, Liverpool dhe Chelsea mendojnë se djelmoshat e Zinedine Zidane e kanë atë që duhet për ta fituar trofeun për të katërtën herë në pesë sezonet e fundit.
Reali mund të jetë 15 pikë larg vendit të parë në La Liga, por gjërat qëndrojnë ndryshe kur luan në Champions League.
I pyetur rreth çështjes nga Gary Lineker, Ferdinand tha: ”Real Madridi, thjeshtë përshkak të eksperiencës dhe faktorit Ronaldo.”
Gerrard shtoi: ”Liverpooli ka një shansë por Reali është favoriti kryesor.”
Pastaj u përfshi edhe Lampard: ”Duhet të pajtohem por është prapë e vështirë të parashikohet.”
Ja ku e kemi pra, Real Madridi tani është favoriti kryesor për të fituar Champions Leaguen. //FutbollFanatik//
