Serbët shkojnë aq larg se aq tentojnë përmes pyetjeve t’i bëjnë presion Federatës Ndërkombëtare të Xhudos, për ta suspenduar Majlinda Kelmendin.
“Blic.rs” në pyetjet e dërguara në IJF, ka marrë një përgjigje të prerë, duke ua sqaruar zyra e Marius Vizer (president i IJF), përse nuk do të suspendohet Kelmendi.
“Doping testi i panjohur ishte bërë më 16 qershor 2016 në një kamp treningu në San Cyprien në Francë. Ata kishin një listë të sportistëve francezë, por vendosën të testojnë edhe xhudistët e huaj, dhe më të mirët në botë”.
“Trajnerët e tyre ishin të befasuar me këtë procedurë të kontrollës dhe kërkuan këshilla nga specialistë të IJF-s, për çështjet e kontrollit të anti-dopingut. Prandaj, bazuar në atë që ne dëgjuam prej tyre, trajnerët nuk janë të detyruar të paraqesin garuesit e vet në kushte të tilla”, ishte përgjigja e IJF-s, dhënë gazetës serbe, raporton Gazeta Olle.
