Varrezat e qytetit në Podujevë janë mbushur me shumë qytetarë të cilët kanë ardhur për t’i dhënë lamtumirën e fundit 14 vjeçares Armela Segashi.
Ajo është vrarë të premten që shkoi në një sulm terrorist në Munih të Gjermanisë. Në këtë sulm është vrarë edhe Dijamant Zabërgja, 21 vjeqari i cili sot është varrosur në vendlindjen e tij në fshatin Ropicë të Vushtrrisë.
Në Podujevë në varrimin e Armelës ka ardhur edhe familja Zabërgja për t’i qëndruar afër familjes Segashi.
Njëjtë edhe familja Segashi ka marrë pjesë në varrimin e Dijamantit që është bërë në orën 14.
Përveç qytetarëve të shumtë në varrim po marrin pjesë edhe zyrtarë të institucioneve të Kosovës, deputetë dhe figura tjera politike.
