Me dhimbje të thellë është pritur lajmi për ndarjen nga jeta të Asllan Osmanit, ish-drejtor shkolle dhe pedagog i përkushtuar, i cili ia kushtoi tërë jetën arsimit dhe formimit të gjeneratave të tëra, shkruan Drenica Press.
Në mesazhin e tij të ngushëllimit, Fadil Nura vlerësoi lart kontributin e Osmanit në fushën e edukimit, duke theksuar se puna e tij nuk ishte vetëm një detyrë profesionale, por një mision i ndërtuar mbi dije, përkushtim dhe përgjegjësi morale.
“Trashëgimia që ai la pas në mendjet dhe zemrat e nxënësve, kolegëve dhe gjithë atyre që patën fatin ta njohin, do të mbetet e gjallë dhe e çmuar për brezat që vijnë,” thuhet në mesazh.
Në këto momente të vështira, ai shprehu ngushëllimet më të sinqerta për familjen Osmani, miqtë, kolegët dhe gjithë komunitetin arsimor, duke theksuar se kujtimi dhe vepra e tij do të mbeten pjesë e pandashme e historisë së arsimit dhe shembull i shërbimit me dinjitet.
I qoftë i lehtë dheu.
- Advertisement -
