Deklarata në lidhje me këtë takim, që do të zhvillohet pas fillimit të periudhës së re të marrëdhënieve turko-ruse, erdhi nga Ministri i Ekonomisë Nihat Zejbekçi (Nihat Zeybekçi) dhe Zëvendëskryeministri i Turqisë, Mehmet Shimshek (Mehmet Şimşek) që gjendet për kontakte në Moskë.
Mehmet Shimshek që bisedoi me Zëvendëskryeministrin e Rusisë, Arkady Dvorkovich bëri deklarata në lidhje me marrëdhëniet ndërmjet dy vendeve.
Ai tha se Presidenti Erdoan dhe Presidenti Putin do të takohen në Shën-Petërburg më datë 9 gusht dhe shtoi: “Ne duam të zhvillojmë marrëdhëniet dhe ti transportojmë ato në një nivel më të lartë se ai që ka qenë para datës 24 nëntor”.
Avioni rus në datë 24 nëntor 2015 ishte rrëzuar nga ana e avionëve F-16 turq për shkak të shkeljes së hapësirës ajrore turke në kufi me Sirinë.
Marrëdhëniet e tensionuara me rrëzimin e avionit rus kishin nisur normalizimin me bisedën ndërmjet Presidentit Rexhep Tajip Erdoan (Recep Tayyip Erdoğan) dhe Kryetarit të Shtetit të Rusisë Vladimir Putin dhe takimit më pas në Soçi të Ministrave të Jashtëm të dy vendeve me rastin e mbledhjes së Bashkëpunimit Ekonomik të Detit të Zi. /trt/
