Gazeta Blic nga burime Brenda Policisë së Kosovës ka marrë vesh se para pak çastesh është arrestuar Ismet Osmani- “Curri” nga Mitrovica, i njohur si bosi i kazinove dhe bastoreve.
Sipas këtyre burimeve pos tij, janë arrestuar edhe Mentor Maqani, Ilir Bojku, derisa në kërkim është Rrahim Hashimi, i cili në opinion njihet edhe si sekser i Emin Beqirit.
Sipas burimeve të Gazetës Blic kanë ndodhur edhe disa bastisje, në lokacione të ndryshme.
Aksionin është duke e drejtuar drejtori i Krimeve Ekonomike në Policinë e Kosovës, Bashkim Spahiu.
Zyrtarisht, nga Policia e Kosovës kanë konfirmuar arrestimet, por pa dhënë shumë detaje.
Baki Kelani, zëdhënës i Policisë ka theksuar për Gazeta Blic se kanë ndodhur disa arrestime, por nuk ka dhënë më shumë detaje.
