Dega e PDK-së në Skenderaj në vazhdën e takimeve mobilizuese organizative sot ka mbajtur dy takime.
“Në takim e Kryesisë janë diskutuar edhe çështjet organizative, ku është ngritur nevoja e fuqizimi i rolit të Kryesisë së degës, duke pasur parasysh mungesën e gjatë të Kryetarit të degës Sami Lushtaku, me propozimin për emërimin e dy nënkryetarëve të rinj të degës. Në këtë aspekt Kryesia e degës ka marrë vendim që të emërohen edhe dy nënkryetarë të rinj; Rafet Rama dhe Bekim Haxhiu, të dy anëtarë të Kryesisë dhe deputetë të Parlamentit të Kosovës“, thuhet në njoftimin e PDK-së dega në Skenderaj dërguar mediave.
Me këtë vendim dega e PDK-së në Skenderaj do t’i ketë tre nënkryetarë: Bekim Haxhiu, Abdyl Ymeri, Rafet Rama.
“Ndërsa takimin me kryetarët e nëndegëve dhe seksioneve ka pasur për qëllim mobilizimin e strukturave të partisë në terren. Gjiashtu u vendos që të shtohet aktiviteti me aktivistë të PDK-së, në mënyrë që në muajin e ardhshëm të ketë aktivitet konkrete në nëndegë dhe seksione të partisë. Në këtë takim u konstatua se PDK në Skenderaj është e konsoliduar në të gjitha nivelet e organizimit partiak“, thuhet më tej në këtë njoftim.
E në lidhje më këto emërime ka folur edhe vetë deputeti Haxhiu. Ai tha për “Gazeta Blic” se kishte lindur nevoja për fuqizimin e kësaj dege me dy nënkryetar në mungesë të Lushtakut.
“Në takimin që patem sot, kryesia vendosi që unë dhe z.Rama të emërohemi nënkryetar të partisë, pasi që partisë po i mungon kryetari Lushtaku”, tha ai.
