Kandidati për kryetar të Drenasit nga Lëvizja Vetëvendosje, Shemsi Elezi ka kritikuar pushtetin lokal në Drenas, se që nga paslufta nuk është bërë asnjë investim në rrugën e zejtarëve.
Elezi ka shkruar se kjo pjesë në shikim të parë të jep përshtypjen se nuk je në një qytet, por në ndonjë zonë kufitare ku hyrje daljet janë të bllokuara dhe të japin përshtypjen e ekzistimit të ndonjë gjendje të jashtëzakonshme ( e një konflikti apo fillimi i një lufte ) .
Aty shihet edhe një dritë e qytetit e cila është vendosur në vitin 1982 e cila ka funksionuar deri ne vitin 1991. Kjo dritë vazhdon të mos jetë në funksion deri me sot.
Kryetari Lladrovci gjatë fushatës së vitit të kaluar u kishte premtuar zejtarëve se qysh në muajin e parë të qeverisjes do të investojë në këtë rrugë. Këta zejtarë për 17 vite me radhë janë taksapagues dhe investimet e komunës nuk janë parë deri me tani.
Vlenë të ceket se edhe mbulojat e pullazeve të këtyre lokaleve janë me materialet që konsiderohen tē dëmshme për shëndetin e njeriut.
Ne si Lëvizje nuk premtojmë shumë, por këto probleme që janë shqetësuese do t’i rregullojmë qysh në ditët e para të qeverisjes tone, shkruan kandidati për kryetar të Drenasit, Shemsi Elezi. /Drenica Press/
