Ekstradohet nga Roma në Shqipëri 42-vjeçari i dënuar për trafikim të qënieve njerëzore

Një 42-vjeçar shqiptar i shpallur në kërkim ndërkombëtar është ekstraduar nga Roma drejt Shqipërisë për të vuajtur dënimin prej 15 vitesh burg për trafikim të qënieve njerëzore.

Bëhet fjalë për Sefer Selimajn, i cili ishte dënuar në vitin 2017 nga Gjykata e Shkallës së Parë për Krimet e Rënda për veprën penale “Trafikim i personave të rritur”, kryer në bashkëpunim.

Pas përfundimit të procedurave në Itali, ai iu dorëzua autoriteteve shqiptare në aeroportin e Rinasit.