“Homeward” është më shumë se një ekspozitë – është një udhëtim simbolik drejt shtëpisë, një kujtesë kolektive dhe një hapësirë ku identitetet, përvojat dhe zërat e 33 artistëve bashkohen në një ansambël polifonik. Nga piktura te performanca, nga skulptura te instalacionet, veprat e tyre sjellin reflektime mbi dashurinë, kujtesën, drejtësinë klimatike, kufijtë dhe përkatësinë.
“Homeward” shtrihet përtej një hapësire të vetme: nga Art House, tek Auditoriumi Françeskan, Muzeu Marubi, Galeria e Arteve të Shkodrës e deri te hapësira e Radio Shkodrës, e shndërruar për herë të parë në një vend ekspozite.
Ky udhëtim është një ftesë për ju – për të parë, reflektuar dhe ndjerë energjinë e një komuniteti që ka rritur dhe mbështetur artin bashkëkohor për një dekadë të tërë.
Një ekspozitë nga Fondacioni Art House
Kuruar nga Luçjan Bedeni, Tea Paci, Zef Paci, Niovi Zarampouka-Chatzimanou
Në bashkëpunim me Galeria e Arteve e Shkodrës, Muzeu Kombëtar i Fotografisë “Marubi”, Radio Shkodra, Auditori Françeskan
