Ekspertët e sigurisë thonë për “Front Online” se plaçkitjet po shkojnë duke u bërë më të rrezikshme.
Avni Islami tregon për një model të parandalimit të tyre.
“Grabitja është një fenomen që nuk ndodh vetëm në vendin tonë. Policia duhet t`i shtojë kontrollet. Qytetet të monitorohen përmes kamerave. Nëse ndodh kjo në rrugët qendrore dhe anësore do të rritej edhe efikasiteti i policisë”, deklaroi ai për “Front Online”.
Islami përmendi dy arsye, të cilat sipas tij po çojnë deri tek grabitjet.
“Grabitjet po ndodhin për arsye socio-ekonomike dhe konsumimit të drogave”, u shpreh ai për “Front Online”.
Numri i përdoruesve të substancave narkotike është mjaft i madh në Kosovë.
Sipas një raporti të 2019-s, vlerësohet të jetë mbi 30 mijë.
- Advertisement -
