62 mijë e 400 doza të vaksinave anti-Covid 19, të llojit AstraZeneca, do të vijnë në Kosovë.
Ato do t`i sjell falas “Gavi Covaxi”, një aleancë globale që ka për qëllim zhvillimin, prodhimin dhe qasjen e barabartë në testet, trajtimet dhe vaksinat COVID-19.
Kështu ka bërë të ditur në një deklaratë ekskluzive për Front Online zyrtarja për informim e “GAVI COVAX”.
“62,400 doza janë gati për t’u transportuar”, tha shkurt ajo.
UNICEF-i, që merret me transportimin e tyre, ka planfikuar t`i sjell në Kosovë të mërkurën me 12 maj këto doza.
Kjo është hera e dytë që “Gavi Covax” do të dërgojë në Kosovë vaksina anti-Covid.
Në kontigjentin e parë lëmoshë solli gjithsej 24 mijë të tilla.
Deri atë kohë, Kosova ishte vendi i vetëm në Europë ku nuk kishte asnjë vaksinë të vetme.
Aktualisht në Kosovë janë 6 mijë e 559 raste aktive me COVID-19.
Shkak i infektimit me virusin korona kanë vdekur 2 mijë e 208 qytetarë që nga fillimi i pandemisë në vend me 13 mars, shkruan Front Online.
Në raportin e fundit, Institutit Kombëtar i Shëndetësisë Publike të Kosovës (IKShPK), njoftoi për 5 të vdekur dhe 97 raste të reja pozitive me COVID-19.
