Ekskluzive: Momenti kur u aksidentuan dy vetura në Prishtinë, këmbësori “fluturon” disa metra larg pas goditjes!

“Gazeta Blic” ka siguruar pamjet e aksidentit ndërmjet dy veturave në Prishtinë, ku për pasojë u lënduan dy persona.

Rasti ka ndodhur në rrugën “Ukshin Hoti” afër ish-kompleksit “Ramiz Sadiku”.

Sipas Policisë së Kosovës, lëndime të rënda ka marrë një këmbësor i cili në momentin kritik ishte duke kaluar rrugën në zebra.

Ashtu siç shihet në pamjet e siguruara nga “Gazeta Blic” i njëjti person është hedhur disa metra larg nga vendi ku është goditur. Në afërsi të vendit ku ndodhi aksidenti, ndodheshin edhe dy femra të cilat po ashtu ishin duke e kaluar rrugën, por fatmirësisht shpëtuan pa lëndime.

• Vërejtje, pamjet e mëposhtme janë me përmbajtje të rëndë dhe rekomandohet të mos shikohen nga persona nën 18 vjeç.