Ekipi i Lladrovcit mohon të jetë përzënë Pacolli nga kafeneja

Një anëtar i AKR-së në Drenas, Musa Dervishaj ka shkruar se dje është përzënë nga Drenasi, i pari i AKR-së, Behgjet Pacolli.
Portali Koha.net ka telefonuar Ramiz Lladrovcin për të marrë versionin e tij për këtë rast, por në pamundësi të flasë ai, është lajmëruar Skender Berisha, i cili po qëndron pranë Lladrovcit në këtë fushatë.
Ai ka thënë për Koha.net se nuk ka mundësi të ketë ndodhur një gjë e tillë.

“Është e paarsyeshme, jo etike dhe jo humane është ajo qasje çka ka shkruar ai. Nuk kemi koment për këtë. E vërteta është krejt ndryshe, vet karakteri i Ramizit është tjetër prej kësaj që shihet aty, që është plotësisht e kundërta. Bëhet fjalë për mikpritjen, kushdo që e njeh Ramiz Lladrovcin e di se çfarë mikpritje bën ai”, ka thënë Berisha, duke lënë të hapur mundësinë që vet Lladrovci të prononcohet pas asaj mbledhje që po mban.