Shkolla ‘Eqrem Çabej” në Prishtinë do të kalojë në skenarin C për 14 ditë për shkak të konfirmimit të rasteve të reja me COVID-19.
Sipas një dokumenti të Ministrisë së Shëndetësisë që posedon KOHA nga data 7 nëntor deri më 17, janë pesë mësimdhënës që kanë rezultuar pozitivë në SARS-Cov-2.
Nga Instituti Kombëtar i Shëndetësisë Publike është rekomanduar që të vazhdohet me aplikimin e masave higjieno-sanitare në shkollë si dhe të takohet Task-team i shkollës për të rishqyrtuar situatën.
Shkolla “Eqrem Çabej” afërsisht ka 730 nxënës dhe 44 mësimdhënës dhe staf teknik.
Deri më 8 nëntër për shkak të shtimit të rasteve me Covid-19, aktualisht në Kosovë janë të mbyllura 29 shkolla dhe një çerdhe publike.
- Advertisement -
