Kryetari i Komunës së Vushtrrisë, Xhafer Tahiri, ka njoftuar se i ka propozuar Kuvendit Komunal të Vushtrrisë që të miratoj propozimin që foshnja e sapolindur në Vushtrri të mbështet me 120 euro.
Lexojeni të plotë njoftimin e kryetarit Tahiri:
120€ pako mbështetje për çdo fëmijë të porsalindur në Vushtrri
I kam propozuar Kuvendit të Komunës që të miratoj propozim politikën e re nga qeverisja komunale përmes së cilës do të mbeshtetet secili çift vushtrrias me fëmijë të porsalindur e ku synohet të blihet 1 shtrat ose një pako me mjete të nevojshme për të porsalindurit.
Sipas vlerësimeve tona, kemi afër 600 lindje në vit në qytetin tonë, prandaj kjo masë pritet ti kushtojë buxhetit komunal rreth 72,000€.
Qëllimi i kësaj mase është që çdo fëmijë i lindur në Vushtrri, pavarësisht kushteve ekonomike të prindërve, të filloj jetën në shtrat të njejtë.