E teprojnë me alkool, tre burra të dehur dhunuan gratë e tyre gjatë natës së Vitit të Ri

Dhuna në familje është një ndër fenomenet më shqetësuese në Kosovë gjatë viteve të fundit. Tri gra është dashur të thirrin policinë për t’i ndihmuar që të shpëtojnë nga burrat e tyre të dhunshëm që u dehën në natën e Vitit të Ri.
Gjithsej katër sulme fizike ndodhën gjatë festimit të vitit të ri në disa qytete të ndryshe.
Sipas Policisë, shumica e rasteve janë pas orës 24:00, dhe shkaktar kryesor është alkooli.
Një femër e komunitetit rom nga Fushë Kosova, ka raportuar se i dashuri i saj nën ndikim të alkoolit, e ka sulmuar fizikisht, si dhe e ka demoluar shtëpinë.
I dyshuari është arrestuar dhe me vendim të prokurorit është dërguar në mbajtje.
Po ashtu, në Prishtinë një femër ka raportuar se pas një mosmarrëveshjeje, është sulmuar fizikisht nga bashkëshorti i saj. I njëjti është arrestuar dhe pas intervistimit me vendim të prokurorit është liruar në procedurë të rregullt.
Lexo edheRritja e pagave, vendim i gabuar i vitit që shkoi
E në Gjilan, është arrestuar i dyshuari mashkull, pasi që i njëjti në gjendje të dehur ka ushtruar dhunë fizike dhe psikike ndaj djalit dhe bashkëshortes së tij.
Viktima mashkull ka pranuar trajtim mjekësor, ndërsa, i dyshuari me vendim të prokurorit është dërguar në mbajtje.
Në Pejë, është arrestuar i dyshuari mashkull i cili nën ndikim të alkoolit, kishte sulmuar vëllain e tij.
Me urdhër të prokurorit kujdestar i dyshuari është ndaluar në polici.













