Shqipëria po përballet me gjendje të jashtëzakonshme natyrore pasi po goditet nga tërmete të fuqishme me shkallë të lartë të rihterit.
Vetëm dje, Shqipëria u godit nga dhjetëra tërmete, më i madhi ishte me shkallë 5.8 deri në 6 të rihterit, gjë që shkaktoi qindra lëndime në njerëz dhe dëme të mëdha materiale, shkruan Reporteri.net
E duke parë gjendjen e jashtëzakonshme që po kalojnë shqiptarët, në ndihmë kanë dalë edhe kosovarët, të cilët nuk kanë harruar ndihmën që Shqipëria i kishte ofruar atyre gjatë kohës së luftës në Kosovë.
Mediumi JOQ Albania përmes rrjetit social në Facebook, ka njoftuar se një qytetar i Prizrenit ka shprehur gjendje gatishmërie ta lëshojë shtëpinë e tij për t’iu dalë në ndihmë familjeve që janë prekur nga tërmetet.
“E mira kurr nuk harrohet mos te harrojm vitet e 99 ta , shpresojm te zoti i plotfuqishem”, ka shkruar qytetari.
Ndryshe, shtëpia gjendet në një fshat të Prizrenit, vetëm 17 km larg qytetit./Reporteri.net/
