Ish-kryetari i Komunës së Junikut, Agron Kuçi është bërë avokat. Pasi kishte njoftuar muaj më parë largimin nga politika, Kuçi tani i është kthyer profesionit të dikurshëm.
“Pas një pune mbi 20 vjeçare në detyra të ndryshme shtetërore në institucione të Republikës së Kosovës, kam nisur rrugëtimin tim profesional, duke u bërë pjesë e bashkësisë së avokatëve !
Për mua ka qenë përgjegjësi, nderë dhe privilegj të kem qenë pjesë e institucioneve dhe proceseve të rëndësishme në kuadër të ndërtimit dhe fuqizimit të insitutcioneve të Republikës së Kosovës.
Andaj, detyrën e Avokatit, si devocion profesional në drejtësi i bazuar në parimet dhe vlerat e përgjegjësisë institucionale, etike dhe qytetare, do të vazhdoj ta ushtroj me dinjitet, ndërgjegje i pavarur dhe me nder, duke respektuar rendin juridik dhe kushtetues të Republikës së Kosovës.
Njëherit Ju njoftoj se zyra ime gjendet në Gjakovë” shkruan Kuçi në njoftim./Indeksonline/
