Ishte ai që e lexoi deklaratën e Pavarësisë dhe e shpalli Kosovën shtet të pavarur në vitin 2008, por sot ish-presidenti, Hashim Thaçi, nuk gjendet në vendin e tij për të festuar lirshëm këtë ditë historike.
Hashim Thaçi së bashku me Kadri Veselin, Rexhep Selimin, Jakup Krasniqin, Salih Mustafën dhe krerët e organizatës së OVL-UÇK-së, Hysni Gucatin e Nasim Haradinaj po akuzohen nga Gjykata Speciale në Hagë për krime lufte.
Në këtë ditë të veçantë, vërehet dukshëm mungesa e tyre, mirëpo këtë festim ata po e bëjnë në burgun i cili gjendet jashtë Hagës, në periferi, më saktësisht në Haaglanden të Scheveningen.
Kështu u shpreh në një prononcim për Indeksonline, kryetari i Shoqatës së Familjeve të Dëshmorëve, Xhavit Jashari.
“Sigurisht që e festojnë, ata janë pjesë e pavarësisë, sidomos presidenti Thaçi që edhe e ka lexu deklaratën e pavarëisë, e ka shpall Kosovën shtet të pavarur, besoj që pavarësisht se padrejtësisht që gjenden atje ata e festojnë sepse kanë bërë shumë për me ardh deri këtu”.
Jashari tregoi se zakonisht gjatë ditës, Thaçi dhe të tjerët janë së bashku, por se më shumë bisedojnë më krerët e organizatës.
“Më shumë bisedojmë me krerët e organizatës, ata zakonisht ditën janë bashkë kështu që informacionet i kemi për të gjithë, pavarësisht me të cilin bisedojmë”, tha Jashari./Indeksonline/
