Pas deklaratës së deputetit të Lëvizjes Vetëvendosje, Hekuran Murati, se ka dorëzuar padi për shpifje ndaj gazetarit Lirim Mehmetaj, ka ardhur edhe reagimi i këtij të fundit.
Mehmetaj mohoi akuzat e Muratit, duke e quajtur këtë të fundit “gënjeshtar” dhe “sherbetor të Martin Berishajt”.
Mehmetaj sqaroi se vetë e ka publikuar më herët faktin që Blirind Danjolli ka qenë këshilltar i Muratit deri në janar të këtij viti, duke bashkëngjitur edhe një fotografi si provë.
Gazetari gjithashtu hedh poshtë pretendimin e Muratit për dorëzimin e padisë të shtunën, duke theksuar se procedurat ligjore nuk lejojnë një hap të tillë pa kaluar fillimisht përmes kërkesës për demant dhe kërkimfalje.
“Qysh e paske dorëzu padinë të shtunën? Po ashtu, sipas ligjit, para padisë është hapi i kërkesës për kërkim falje dhe largim të lajmit, e veç nëse nuk ndodh ajo, atëherë shkohet me padi.
Qysh po e rren popullin kështu bre hajn. Përndryshe, mirëseerdhe. Pas Faton Pecit, ti e ke radhën me u hetu.” – shkroi ndër të tjera Mehmetaj.
