Dy persona kanë vdekur dhe qindra janë arrestuar në mbarë Francën pas festimeve të tifozëve të Paris Saint-Germain (PSG) për fitoren në finalen e Ligës së Kampionëve, sipas Ministrisë së Brendshme franceze.
Në qytetin jugperëndimor Dax, një djalë 17-vjeçar ka humbur jetën pasi u godit me thikë në gjoks vonë të shtunën në mbrëmje, raportojnë mediat lokale.
Një 23-vjeçar që ishte duke ngarë një skuter në qendër të Parisit gjithashtu ka vdekur pasi u godit nga një automjet, tha zyra e prokurorisë.
Fishekzjarrë dhe flakadanë u ndezën, strehat e autobusëve u thyen dhe vetura u dogjën në mes të festimeve të shfrenuara, pasi PSG fitoi për herë të parë trofeun më të madh në futbollin evropian për klube.
