Kryetari i Nisma për Kosovë, Fatmir Limaj, ka thënë se përmes mocionit të mosbesimit, është rruga e vetme për ta rrëzuar Qeverinë.
Këtë deklaratë Limaj e ka bërë gjatë mbledhjes së këshillit të NISMA për Kosovë.
Gjatë kësaj konference ai po ashtu tha se “instutucionet e Kosovës gjenden në kollaps dhe se të gjithë krërët e shtetit po i ikin përgjegjësisë, për këto dhe shumë të tjëra ne kemi vendosur të marrim këtë iniciativë ndaj qeverisë dhe jemi të bindur që tani është koha për të shfrytëzuar atë që na lejon Rregullorja e Kuvendit”, transmeton Klan Kosova.
Më tej Limaj tha se “kjo iniciativë e jona është mbështetur edhe nga dy partitë tjera opozitare dhe se neve na pret një angazhim si kryesi dhe grup parlamentar për të bërë atë që na takon drejt materializmit të kësaj çështjeje”.
Limaj në fund tha se të gjithë ata që janë kundër kësaj qeverie e kanë mundësinë ta shprehin pakënaqësinë.
