Policia e Kosovës ka bërë të ditur se ka sekuestruar mbi 2 kg substanca narkotike në bagazhin e një veture në Komoran të Drenasit, trasnmeton drenicapress.info
Në njoftimin e policisë thuhet:
Raportohet se në fshatin Komoran është ndaluar vetura Golf 4 me targa vendore dhe gjatë kontrollit në bagazhin e veturës janë gjetur dhe sekuestruar 2125.1 gran ( 2 kg e 125.1 gram) substancë e dyshuar narkotike e llojit Marihuanë. Është njoftuar prokurori i shtetit dhe GJPP me urdhër verbal të së cilit është kontrolluar banesa (me qira) e të dyshuarit në rrugën C në Prishtinë, ku gjatë kontrollit janë gjetur dhe sekuestruar një peshore digjitale dhe një foli e cila shërbente për mbështjelljen dhe mbajtjen e narkotikëve, gjithashtu është sekuestruar edhe vetura Golf 4 me targa vendore dhe dy telefona. Pas intervistimit të dyshuarit meshkull kosovar dhe femër kosovare me vendim të prokurorit dërgohen në mbajtje për 48 orë.
Rasti është duke u trajtuar si:
BLERJE, POSEDIM, SHPËRNDARJE DHE SHITJE E PAAUTORIZUAR E NARKOTIKËVE
