Njëra ndër klubet më aktive që po e vëzhgon nga afër situatën te Feronikeli dhe kërkon të përfitojë është Drita nga Gjilani.
Gazeta “SHESHI” mëson ekskluzivisht se ‘bardhekaltërit’ kanë nisur bisedimet me sulmuesin Kastriot Rexha për një ribashkim të mundshëm pas dy edicionesh.
Bisedimet tashmë ndodhen në fazën finale dhe ditët në vijim pritet të ketë zhvillime të tjera.
Rexha është ofertuar edhe nga disa skuadra tjera të Superligës, por Drita është në ‘pole position’ për ti siguruar shërbimet e tij.
31 vjeçari ishte pjesë e ‘bardhekaltërve’ dy edicione më parë, duke arritur ta fitonte titullin kampion dhe njëherit duke qenë golashënuesi më i mirë i kampionatit.
Gazeta “SHESHI” do të ju mbajë të informuar në lidhje me zhvillimet e fundit Drita – Rexha dhe çdo të re nga afati kalimtar i janarit.
