Kryetari i Skenderajt, ka dhënë një lajm të mirë për banorët e kësaj komune.
Ai ka thënë se nga 5 pacientët e infektuar, njëri nga ta është shëruar, kurse 3 të tjerë janë në gjendje të mirë pa simptoma.
Ndërsa të gjitha testet e bërë për personat e dyshuar dhe rastet e kontaktit janë duke dalë negative.
Ky është postimi:
Lajm i mirë!
Qytetarë të dashur,
Falë disiplinës suaj komuna jonë është afër fitores ndaj virusit COVID-19.
Nga 5 pacientë të infektuar në komunën tonë, sapo morëm konfirmimin nga IKSHP që kemi një pacient të shëruar, një tjetër duke u shëruar kurse 3 të tjerë i kemi shëndoshë e mirë pa simptoma, duke qëndruar të izoluar në shtëpi.
Të gjitha testet e bëra për personat e dyshuar dhe personat kontakt fatmirësisht janë duke dalë negativ.
Falënderime për secilin nga ju, mirënjohje për QKMF-në, IKSHP-në dhe gjithë ata që janë duke kontribuar pa rezervë në parandalimin apo trajtimin efikas të këtij virusi.
Disiplina, kujdesi i shtuar, mbajtja e higjienës, qëndrimi në shtëpi e distanca vazhdojnë edhe pak, deri në fitore.
Të bashkuar do t’ia dalim!
