Rruga me katër korsi nga Drenasi në drejtim të Skenderajt ka filluar të ndërtohet.
Kjo rrugë do të lehtësoj jetën e qytetarëve drenicas, të cilët udhëtojnë në drejtim të kryeqytetit dhe të qyteteve tjera, shkruan Drenica Press.
Një entuziazëm të tillë e shprehu edhe kryetari i Drenasit përmes rrjeteve sociale, me rastin e fillimit të punimeve nga Gllobari në drejtim të Skenderajt.
“Premtimet tona i bëjmë vepra! Rruga me katër korsi, sot ka filluar të ndërtohet. Është ditë e madhe për Drenicën, Drenasin dhe krejt Kosovën, sot filluan punimet në rrugën me katër korsi, nga Gllobari deri në Trestenik”, ka shkruar Lladrovci në Facebook.
“Faleminderit Kadri Veseli, Pal Lekaj dhe të gjithë kontribuuesve tjerë. Rrjetëzimi i Drenicës me autostradë, do të jetë lehtësim për të gjithë qytetarët, jo vetëm të Drenicës por të gjithë atdhetarëve që vijnë me rastin e ditëve të shënuara, në këtë zonë të pasur me histori. Drenica i meriton gjithë të mirat e lirisë tonë”, ka shkruar tutje ai./Drenica Press/
