Komuna e Drenasit, përkatësisht Drejtoria e Shërbimeve Publike dhe Emergjencë është duke vazhduar projektin e grumbullimit të mbeturinave të reciklueshme në lagjën e Ferronikelit.
Drejtoresha e DSHPE-së, Lumnije Krapi tha se me implementimin e këtij projekti për grumbullimin e mbeturinave të reciklueshme në lagjen e Feronikelit nga amvisëritë dhe institucionet tjera në qendër të qytetit, po përmirësohet cilësia e një ambienti të pastër dhe ka shtuar se ky projekt ne bashkëpunim me KRM ”Pastrimi” do të vazhdoj edhe në zona të tjera.
Drejtoria e Shërbimeve Publike dhe Emergjencë, ju benë thirrje të vazhdueshme qytetarëve ne respektimin e ndarjes së mbeturinave të reciklueshme, letër, plastikë dhe alumin, më qëllim të rritjes së cilësisë së ndarjes ne këtë proces edhe në pjesët e tjera ku ka filluar procesi i ndarjes.
