Në fshatin Shtrubullovë të Komunës së Drenasit, përkatësisht tek lagja e Vermicve, ka përfunduar ndërtimi i ures i cili lidh dy fshatra, përkatësisht tre, Shtrubullovë me fshatin Korroticë e Ulët dhe Zabel i Ulët.
Ndërtimi i kësaj ure ishte në listen e projekteve kapitale për vitin 2016 dhe ndertimi i saj ka qenë shumë i nevojshëm, pasi që në sezonat e të reshurave të shiut, nxënësit e lagjes së Vermicëve rrezikoheshin për të vijuar mësimin në shkollën e Korroticës së Ulët. Vlera e ndërtimit të ures ishte 70 mijë euro, ndërsa është e gjatë 17 metra dhe e gjerë 5.5 metra. Kurse në rrugën që lidhë këto fshatra, Drejtoria e Shërbimeve Publike dhe Emergjencë, përmes kompanisë kontraktuese ka hedhur disa kamion me zhavor për të permirësuar këtë rrugë e cila ishte e demtuar herë pas here nga të reshurat.
