Komuna e Skenderajt në bashkëfinancim me Bankën Botërore, ka filluar realizimin 12 projekte për të rinjtë e Skenderajt, të cilët do të përkrahen financiarisht për të filluar biznese të ndryshme, duke ndikuar në krijimin e vendeve të punës në Skenderaj, me epiqendër të rinjët, shkruan Drenica Press.
Me këtë rast drejtoresha për Zhvillim Ekonomik, Inovacion dhe Turizëm, Besarta Meha Ademi tha se: Së bashku me Drejtorin e DKRS-s, Alban Berisha pritëm në takim drejtuesen e lartë të Bankës Botërore, Ifeta Smajic dhe stafin e CDF-s, ku vizituam nga afër përfituesit e projektit “Komunat për të rinjtë”.
Është kënaqësi të shohësh njerëz te rinjë me vullnet e vizion për të ardhmen. Bashkërisht më bashkëdonatorët pamë nga afër fillimin e realizimit të projekteve nga dy ekipet përfituese të projektit “Komuna për të rinjtë”. Grupin e vullnetarëve në bashkëpunim me OJQ “Drugëza” dhe Ansamblin “Drenica”.
Mysafirët u njoftuan për së afërmi me aktivitetet që kanë filluar të implementohen si bashkëfinancim me Komunën e Skenderajt, në kuadër të projekteve përfituese. Gjatë vizitës të përfituesit e granteve që administrohet nga Banka Botërore dhe implementohet nga MAPL, znj. Smajic pa nga afër ecurinë e zhvillimit të projekteve, sfidat, dhe angazhimin e të rinjve në këto projekte.
Në emër te Komunës së Skenderajt i falenderova për mbështetjën në kuadër të këtij projekti, duke theksuar rëndësinë e këtij granti në një fazë kur shumë të rinjë po ikin nga vendi.
Pra, ka përfunduar vetëm faza e parë e projektit, së shpejti do të zhvillohet edhe faza e dytë, ku të rinjtë do të kenë mundësi të aplikojnë me projekte të ndryshme për të qenë përfitues të granteve.
