Ministri i Punëve të Brendshme, Xhelal Sveçla dhe drejtori i Policisë së Kosovës, Samedin Mehmeti, kanë mbajtur konferencë të përbashkët për media për rastin tragjik të Deçanit, ku humbën jetën tre persona.
Drejtori i Policisë së Kosovës, Samedin Mehmeti, ka thënë se janë duke e bërë pastrimin e vendit të ngjarjes dhe pjesët ku mund të ketë dëshmi shtesë rreth rastit.
Tutje ai ka thënë se kushtet meteorologjike kanë bërë që të mos futen disa teknika për gjurmimin e fakteve, derisa ka treguar se sa persona dyshohet se kanë qenë në këtë akt makabër.
“Aktualisht ne mund të flasim për një sistem dy përkatësisht tri pistave të hetimit dhe gjitha informacionet që jemi duke marrë, qojnë në një drejtim që kemi të bëjmë me një të dyshuar, mirëpo mund të ketë edhe më shumë të dyshuar”, ka thënë Mehmeti. Ndërkaq sipas tij motivi ende nuk dihet pasi Policia është duke marrë ende dëshmi edhe informacione./gazetametro.net
