“Dorëzohet” Kevin, të gjithë sytë nga veprimi i tij i fundit për Anën
dp·
Shpërndaje:
Kohët e fundit, rrjeti ka qenë në “zjarr” nga thashethemet për një krizë të mundshme mes Kevinit dhe Anës. Gjithçka nisi pas heqjes së papritur të “follow”-it dhe zhdukjes së të gjitha imazheve të tyre të përbashkëta nga profilet e tyre në Instagram. Aludimet për ndarje ishin të pashmangshme.
Megjithatë, vetëm një javë më parë, në një intervistë ekskluzive për Prive by Liberta Spahiu, Kevin i hodhi poshtë këto zëra. Ai shpjegoi se nuk bëhet fjalë për ndarje, por thjesht për dinamikën e tyre të veçantë.
Kevin tregoi se profili i tij mbetet bosh herë pas here për shkak të temperamentit impulsiv të Anës në momente nervozizmi. “Ajo ka një temperament pak ‘spicy’,” tregoi ai, duke shpjeguar se si ajo i fshin fotot kur nxehet, vetëm për t’ia kërkuar t’i rikthejë pasi i kalon inati. Kevin kishte deklaruar atëherë se po refuzonte t’i rikthente, për të mos e vazhduar këtë lojë.
Por, mesa duket, inati i Kevin-it ka qenë kalimtar dhe ai është “dorëzuar” para dashurisë!
Kevin sapo ka publikuar një foto të mrekullueshme të Anës në InstaStory, të cilën e ka bërë në një studio mode. Në imazh, Ana shfaqet më e bukur se kurrë, e veshur me një fustan të kuq gala që të lë pa frymë. Por ajo që i jep fund çdo dyshimi është mbishkrimi që Kevin ka zgjedhur të shkruajë: “Super star”.
Me këtë postim, Kevin Edmond ka treguar qartë se ata vazhdojnë të jenë bashkë dhe të lumtur, duke menaxhuar në mënyrën e tyre dinamikën e marrëdhënies.
