Në javën e parë të marsit është paralajmëruar se me 26 shtator të vitit 2020, në Berlin të Gjermanisë do të ndeshen boksieri shqiptar i Republikës së Kosovës, Petrit Mazrekaj dhe ai serb Velko Razhnatoviq.
Velko është i biri i kriminelit të luftës, Zhelko Razhnatoviq, i njohur si Arkani i cili u vra në vitin 2000.
Është publikuar një foto nga vet Velko, ku shihet duke shëtitur qenin përreth vilës në Dedinje, në shoqëri me bashkëshorten e tij.
Deri me tash Velko as që ka dhënë ndonjë sinjal për meç, megjithëse është firmosur një marrëveshje mes boksierit të Kosovës dhe përfaqësuesve të boksierit serb.
A do t’i shmanget sërish Velko këtij meçi, nga frika që të përballet me Mazrekajn në Berlin? Nuk kanë mbetur më shumë se pesë javë deri të meçi, asgjë nuk flitet në këtë aspekt.
A do të arsyetohet Velko se ky meç duhet të shtyhet për shkak të virusit korona? Gjithçka do të shihet në ditët vijuese.
Siç merret vesh, Mazrekaj qysh tani është i gatshëm të përballet në ring me Velkon, por ky i fundit vazhdon të hesht dhe as që ka dhënë ndonjë sqarim për meçin, të paktën deri me sot!
