Willard Carroll Smith Jr., njeriu që e njohim si Will Smith, nuk është thjesht një aktor hollivudian, ai është një ikonë kulturore.
Nga bërja për të qeshur në filmin “The Fresh Prince of Bel-Air” deri te emocionimi në hitet e suksesshme si “Men in Black” dhe “Independence Day”, historia e Will Smith është një përzierje perfekte e sharmit, punës së palodhur, qëndrueshmërisë dhe ripërtëritjes, transmeton Indeksonline.
Përpara se të pushtonte Hollywood-in, Will Smith filloi si reper nën emrin “The Fresh Prince”, duke bashkëpunuar me DJ Jazzy Jeff.
Por suksesi i tij i madh erdhi kur NBC-si e zgjodhi për rolin në filmin The Fresh Prince of Bel-Air (1990). Shfaqja u bë një fenomen kulturor dhe lindi një nga personazhet më të dashur të të gjitha kohëve.
Që nga ajo kohë, Smith kaloi pa probleme në filma, duke vërtetuar se nuk ishte thjesht një yll televiziv. Me filmat “Bad Boys”, “Men in Black” dhe “Independence Day”, ai u bë ylli më fitimprurës i Hollivudit në zhanrin aksion-komedi i viteve ’90-të./Indeksonline/
