Në portale dhe rrjete sociale ka marrë me vrull terren një “Fakenews” (LAJM I RREMË) se rreth orës 23:30 minuta në Shqipëri do të bjerë një tërmet apokaliptik prej 6 ballësh të shkallës Rihter.
Lajmi nuk është i vërtetë, por nga ana tjetër ka sjellë panik mes shumë qytetarëve të Tiranës. Shumë prej tyre kanë nisur të dalin nga shtëpitë edhe nisur nga fakti i shtimit të frikës në këto 24 orët e fundit.
Mbi këtë lajm të rremë ka reaguar Ministria e Mbrojtjes e cila sqaron qytetarët që të mos bien pre e panikut pasi gjithçka është një gënjeshtër.
“Prej disa minutash qarkullon ne disa portale dhe rrjete sociale nje lajm i rreme mbi parashikimin e nje termeti me permasa, ne oren 23.30. I bejme thirrje te gjithe qytetareve, te mos bien pre e njoftimeve te tilla keqedashese dhe perhapese paniku pasi nuk ka asnje parashikim te tille shkencor nga asnje institucion shkencor” thotë Ministria e Mbrojtjes.
Mbi lajmin ka reaguar dhe kryeministri Rama me këtë postim:
KY ESHTE NJE FAKENEËS KRIMINAL PER TE PERHAPUR PANIK DHE ÇDO IDIOT QE SHKRUAN PER PARASHIKIME TERMETESH THJESHT DUHET NEVERITUR
