Digjet një nga xhamit më të vjetëra në Drenicë (FOTO)

Lexojeni të plotë reagimin e Këshillit të Bashkësisë Islame në Drenas:
Reagim nga Këshilli I Bashkësisë Islame në Drenas për
djegien e xhamisë në fshatin Verboc .
Dje para dite saktësisht në mëngjes u informuam se iu është vënë zjarri xhamisë së vjetër ne fshatin Verboc .
Prandaj Këshilli I Bashkësisë Islame në Drenas reagon ashpër ndaj një vepre të tillë të shëmtuar, ku përveçse është djegur tërësisht xhamia e vjetër në këtë fshat , është rrezikuar edhe djegia e xhamisë së re të ndërtuar para pak vitesh .
Ky rast përveç që është akt i papranueshëm, është veprim që dëmton seriozisht ndjenjat e besimtarëve ku kjo xhami ishte një ndër ma të vjetra në rajonin tonë .
Sulmet e tilla dhe përdhosja e objekteve fetare nxisin e ringjallin urrejtje, mos durim e dhunë, frikë dhe mosbesimit tek popullata e Kosovës, andaj duhet angazhim i të gjithëve që këso veprime të mos na përsëriten.
Kërkojmë nga organet kompetente të marrin masat e duhura për sigurinë e objekteve fetare, që ato të mos bien pre e individëve që kanë qëllime të errëta dhe drejtësia të vihet në vend, si dhe aktorët e këtij akti makabër të sillen para drejtësisë.
Drenas 18.04.2020