Dhëndri shqiptar firmos me Barcelonën, Loredana ndan foton

Barcelona ka shtuar një tjetër emër të rëndësishëm në repartin ofensiv, duke zyrtarizuar transferimin e Karim Adeyemit nga Borussia Dortmund.

Sulmuesi 24-vjeçar ka firmosur një kontratë pesëvjeçare me klubin katalanas, e cila do ta mbajë të lidhur me “blaugranët” deri në verën e vitit 2031. Sipas mediave sportive, marrëveshja i ka kushtuar Barcelonës rreth 29 milionë euro, duke përfshirë edhe bonuset.

I formuar si një nga talentet më premtues të futbollit gjerman, Adeyemi vjen pas tre sezonesh te Borussia Dortmund, ku zhvilloi 146 ndeshje dhe realizoi 36 gola në të gjitha kompeticionet. Ai pritet të sjellë më shumë shpejtësi dhe dinamikë në sulmin e Barcelonës, pas ndryshimeve të bëra në skuadër gjatë kësaj merkatoje.