Një i ri ka humbur jetën pasditen e sotme në një aksident me motoçikletë në fshatin Sankoc të Komunës së Drenasit.
Sot Policia e Kosovës ka dhënë detaje të reja në lidhje me këtë aksident fatal.
“Derisa viktima mashkull K/Shqiptar i moshës 17- vjeçare ka qenë duke e drejtuar motoçikletën aksidentalisht ka humbur kontrolli mbi motoçikletë. Si pasojë e aksidentit viktima ka pësuar lëndime vdekjeprurëse. Vdekjen e viktimës e ka konstatuar mjeku kujdestar. Me vendim të prokurorit trupi i pajetë dërgohet për obduksion”, thuhet në njoftimin e policisë.
Gazeta Online DrenicaPress.info mëson se viktima është Patrik Xhavit Isufi, nxënës i klasës së 11’të. /Drenicapress.info/
