Nën prangat e policisë dy ditë më parë përfundoi një person në Gjilan.
Si fillim rasti u raportua se si zyrtarët policorë e keqtrajtuan qytetarin gjatë arrestimit dhe se si dëgjoheshin britmat në këtë rast.
Por çfarë ndodhi në të vërtet.
Lajmi.net mëson se në fakt i dyshuari në këtë rast ishte ndaluar për shkak të dyshimit mbi posedimin e narkotikëve, e në momentin kur u tentua të ndalohet për 1 kilogram drogë, i njëjti ka filluar që atë ta shpërndajë rrugës.
E për këtë rast, masa mori edhe Inspektorati Policor i Kosovës.
Inspektorati Policor i Kosovës njoftoi se me të marrë informatën, hetuesit kanë dalë në vendin e ngjarjes.
Sipas njoftimit të bërë nga IPK, tanimë është rekomanduar suspendimi i dy zyrtarëve policorë si të dyshuar për “keqtrajtim gjatë ushtrimit të detyrës zyrtar apo autorizimeve publike”./Lajmi.net/
