Italianët kishin menduar se nëse ndeshja do të luhej në Palermo, do të ndalnin hovin e tifozëve shqiptar.
Por, plani italian për transferimin e ndeshjes në Sicili nuk ka bërë punë. Tifozët shqiptarë nuk kanë zhgënjyer dhe që nga mbrëmja e të enjtes e gjatë paradites së sotme, kanë pushtuar rrugët e qytetit të Palermos.
Këngë, kore, shalle, flamuj, veshje karakteristike shqiptare por edhe fanella me batuta të ndryshme që i referohen emigracionit shqiptar kanë tërhequr vëmendjen jo vetëm të qytetarëve të Palermos, por edhe mediave italiane të cilat me sa duket nuk e prisnin një pushtim kuqezi edhe në Sicili.
