Shefqet Kabashi, dëshmitari i njohur në rastin e gjykimit të kryeministrit Ramush Haradinajt në Hagë, u mundua të prishë ceremoninë e 20 vjetorit të masakrës serbe në burgun e Dubravës e cila po mbahej në ambientet e këtij burgu, transmeton Gazeta Metro.
Me të filluar ceremonia nga moderatorja e ngjarjes, Shefqet Kabashi ka ndalur në mes të skenës duke bërtitur drejt të pranishmëve.
“Ju ma keni marrë bukën. Qeveria më ka shpall tradhtarë e tash nuk janë këtu..ma zi jeni tu na bo ju se shkijet që na kanë bo”, tha ndër të tjera Kabashi, transmeton Gazeta Metro.
Menjëherë ka ndërhyrë gardianët e burgut dhe e kanë arrestuar.
Në këtë ceremoni e kishte konfirmuar pjesëmarrjen edhe kryeministri Ramush Haradinaj por në momentin e fundit e ka anuluar./gazetametro.net
