Shembja e këtij dheu i mori jetën 16-vjeçarit Brahim Bajra mesditën e së dielës nga Runiku i Skenderajt.
Brahimi bashkë me dy nipërit e tij dhe babanë kishin ardhur këtu për të nxjerrë rërë derisa papritmas atë dhe njërin nip që ishte mysafir nga Istogu i zuri dheu, por që ky i fundit pati fatin t’i shpëtojë vdekjes.
Ai nga shembja e dheut mori vetëm lëndime trupore.
Muhamet Kajtazi, i cili ishte dëshmitar i kësaj ngjarjeje, rrëfen se në çfarë gjendje i gjeti dy fëmijët.
Kajtazi thotë se Brahimi ishte në gjendje të fliste, pasi iu hoq dheu dhe se nuk i kishte shkuar mendja për asnjë sekondë se ai do të vdiste.
Ndërsa, familja Bajra kanë hapur dyert për të pranuar ngushëllime.
Axha i të ndjerit Ramadani thotë se ishin në fund të mbushjes së rimorkios me rërë kur ndodhi ngjarja.
Derisa tregon se gjatë rrugës për në spital Brahimi kishte pësuar gjakderdhje në gjoks, gjë që nuk ka mundur ta përballojë.
Kurse, i lënduari tjetër vazhdon të trajtohet në repartin e Ortopedisë në Spitalin e Pejës./koha.net/
