Nënkryetari i Kuvendit të Kosovës nga radhët e PDK-së, Memli Krasniqi dhe kryetari i Grupit Parlamentar të PDK-së, Bedri Hamza, do ta bojkotojnë edhe sot mbledhjen e Kryesisë së Kuvendit të Kosovës për shkak të veprimeve që ka ndërmarrë kryetarja e Kuvendit, Vjosa Osmani, e cila ka larguar fotografinë zyrtare të Presidentit nga muri ballor në zyrën e saj, duke vënë atë të ish presidentit Ibrahim Rugova.
Në të thuhet: “…në vijim të veprimit tuaj jo institucional të Kryetarit të Republikës së Kosovës, si dhe në vijim të bojkotimit të mbledhjes së parë të Kryesisë së Kuvendit, nga përfaqësues e PDK-së, si veprim fillestar simbolik e politik, përmes kësaj shkrese, edhe zyrtarisht ju kërkojmë që në afatin sa më të shkurtër kohor, të ndaloni së vepruari në papajtueshmëri me legjislacionin në fuqi, përkitazi me këtë çështje”.
Këtë veprim, Osmani e kishte bërë porsa kishte marrë postin e kryetares së Kuvendit, ndërsa në vend të fotografisë së Thaçim, kishte vënë atë të ish presidentit Ibrahim Rugova.
