Deputeti i PDK-së, Artan Behrami, ka reaguar sërish ndaj ambasadorit gjerman në Kosovë, pas postimit të fundit në Facebook, këtë herë përmes rrjetit X.
Behrami shkruan se drejtësia selektive është padrejtësi me vulën zyrtare të BE-së.
“Historia nuk gjykohet në sallat e gjykatave, por në kujtesën e një kombi. Pse BE vazhdon agjendat e individëve të Kremlinit të sanksionuar nga SHBA-të dhe të Dick Marty edhe pas vitit 2022? Kjo kërkon një përgjigje.”
Ai thekson se Gjykata Speciale nuk funksionon sipas ligjeve të Kosovës, siç ishte parashikuar, por si një degë e EULEX-it që shpesh shmang edhe kornizën ligjore vendore. Sipas Behramit, Jack Smith i ka thënë Kongresit se ai punon për një “Tribunal Evropian”, jo për një gjykatë të Kosovës.
Behrami shtron pyetjen se pse Bashkimi Evropian nuk është më i qartë në komunikimin e tij publik dhe kujton se Kosova ka qenë shteti më bashkëpunues në Ballkanin Perëndimor në gjykimet për krimet e luftës, por megjithatë është ndër më të sulmuarit.
Ai sfidon ambasadorin gjerman duke pyetur:
“Kur ka qenë hera e fundit që një ambasador i BE-së ose gjerman në Beograd ka kërkuar publikisht llogaridhënie ose ekstradim nga Vuçiq dhe Serbia? E sfidoj ambasadorin gjerman ta tregojë këtë!
