Kryetarja e Komisionit për Punë të Jashtme të Kuvendit të Kosovës, Vjosa Osmani, u prit në Capitol Hill, në Uashington, nga Senatori Chuck Grassley, kryetar i Komisionit të Senatit për Gjyqësi.
Në takim u diskutua bashkëpunimi dhe partneriteti strategjik në mes të Kosovës dhe Shteteve të Bashkuara të Amerikës, me theks të veçantë bashkëpunimi me shtetin e Iowas, shtet nga i cili vjen Senatori, bën të ditur një njoftim nga LDK.
Osmani, sot po ashtu ka folur para përfaqësuesve të 65 vendeve të botës si paneliste në Konferencën Globale Parlamentare në temën lidhur me sfidat dhe të arriturat e Republikës së Kosovës në fushën e arsimit dhe punësimit të rinisë.
Gjatë këtyre ditëve, delegacioni kosovar është takuar me kryetarë parlamentesh e deputetë nga shumë vende të botës, dhe në veçanti me përfaqësues të shteteve jonjohëse.
