Partia Demokratike e Kosovës po vazhdon të mbajë mbledhjen e Këshillit Drejtues të saj.
Mbledhja e cila ka filluar në orën 18:00 është duke vazhduar ende dhe po mbahet me dyer të mbyllura.
Askush nga zyrtarët e kësaj partie nuk janë deklaruar për media ndërkohë që burime të KosovaPress brenda PDK-së bëjnë me dije se në mbledhje të Këshillit të Përgjithshëm është duke u zhvilluar një debat i nxehtë.
PDK ka thirrur mbledhjen e Këshillit të Përgjithshëm për të diskutuar në lidhje e shënjimin e vijës kufitare me Malin e Zi, proces ky që është si pikë e rendit të ditës në seancën e 1 shtatorit.
Tashmë dihet se disa nga deputetët e kësaj partie kanë kundërshtuar demarkacionin me Malin e Zi që është përpiluar nga Komisioni Shtetëror për Demarkacionin.
