Conte alarmon lojtarët e tij: Shikojeni Francën si vuajti nga Shqipëria
Rezistenca e Shqipërisë për 90 minuta ndaj favoritëve për të fituar Euro 2016, Francës, nuk ka lënë pa u përmendur edhe nga trajneri i Italisë, Antonio Conte.
Conte në konferencën për shtyp në prag të ndeshjes me Suedinë, ka deklaruar se me fitoren në ndeshjen e parë ndaj Belgjikës nuk kanë arritur asgjë, dhe se në vazhdim i presin ndeshje të vështira.
Trajneri i ardhshëm i Chelsea, tha se në Euro 2016 nuk ka ekipe të lehta, duke përmendur rezistimin e Shqipërisë ndaj Francës.
“Këmbët në tokë, ne nuk kemi bërë asgjë”, deklaroi Conte duke folur për fitoren ndaj Belgjikës.
Lexo edheKrasniqi: Numri i veteranëve të UÇK-së, 15 deri 20 mijë (Video)
“Unë kam një ekip të caktuar të cilët dëshirojnë t’i bëjnë gjërat në mënyrën e duhur. Një lojë nuk e ndryshon qëndrimin e këtyre djemve, patëm lojë të mirë ndaj Belgjikës, por asgjë nuk kemi arritur”, shtoi ai.
“Duhet ditur se çdo lojë është e vështirë, vetëm shikoni vuajtjet e Francës. Shqipëria është mbajtur deri në minutën e 90’, dhe golat i mori në kohën shtesë”, përfundoi ai.
Italia nesër luan me Suedinë duke filluar nga ora 15:00 në kuadër të grupit E.
