Ceremonia e 68-të e Çmimeve Grammy po mbahet sonte , por disa nga emrat më të mëdhenj të industrisë nuk janë nominuar për çmimin prestigjioz.
Lista e të nominuarve të këtij viti përmban një numër surprizash, por më e madhja është mungesa e disa yjeve të mëdhenj, transmeton Indeksonline.
Ceremonia e ndarjes së çmimeve zhvillohet në Crypto.com Arena në Los Angeles dhe transmetohet drejtpërdrejt nga rrjeti televiziv CBS dhe shërbimi i transmetimit Paramount+. Kendrick Lamar ka më shumë nominime këtë vit – deri në nëntë. Me shtatë nominime, ai ndiqet nga Lady Gaga dhe producentët Jack Antonoff dhe Cirkut.
Megjithatë, pavarësisht festave për të nominuarit, shumë fansa dhe kritikë u habitën kur panë se kush mbeti jashtë listës.
JustJared ju sjell një listë të disa prej emrave më të mëdhenj të lënë jashtë, të cilët nuk do ta marrin në shtëpi gramafonin prestigjioz të artë sonte.
Lorde
Pavarësisht se albumi i saj i fundit, Virgin, mori vlerësime shumë pozitive nga kritikët e muzikës, Lorde nuk arriti të fitonte asnjë nominim për çmimet Grammy të këtij viti, gjë që habiti një pjesë të madhe të audiencës.
Lisa
Pavarësisht publikimit të albumit të saj debutues Alter Ego, i cili përfshin bashkëpunimin “Born Again” me RAYE dhe Doja Cat, sensacioni i K-pop-it Lisa nuk u nominua, pavarësisht vëmendjes së gjerë të medias dhe interesit të fansave.
The Weeknd
The Weeknd publikoi albumin Hurry Up Tomorrow në vitin 2025, me këngë si “Timeless”, “Sao Paulo” dhe “Cry for Me”, por asnjë nga këto projekte nuk u njoh nga Akademia Amerikane e Arteve dhe Shkencave të Regjistrimit.
Ariana Grande
Ariana Grande publikoi edicionin Brighter Days Ahead të albumit eternal sunshine, por nuk mori asnjë nominim për muzikën e saj. Megjithatë, ajo u nominua për këngën “Defying Gravity”, të interpretuar me Cynthia Erivo, në kategorinë Performanca më e Mirë Pop Duo/Grup./Indeksonline/
