Gjatë seancës së sotme, prokurori i kujtoi gjeneralit Wesley Clark deklaratën e tij të mëhershme, ku kishte thënë se ishte takuar me Hashim Thaçin në prill të vitit 1999 për të kërkuar ndihmën e tij në identifikimin e objektivave për bombardimet e NATO-s.
I pyetur nëse e mbante mend vendin ku ishte zhvilluar takimi, Clark deklaroi: “Jam i sigurt që ishte në selinë time.”, transmeton lajmi.net.
Prokurori Halling e pyeti më tej se çfarë mendonte Clark në atë kohë për rolin e Thaçit. Clark u përgjigj:
“Ai ishte si oficer ndërlidhës. E kuptova se po kërkonte para dhe mbështetje nga diaspora shqiptare.”
Clark shtoi se nuk e kishte të qartë nëse ishte vetë Thaçi ai që kishte kërkuar takimin.
Në fund, prokurori i tha Clarkut se arsyeja e takimit ishte fakti që Thaçi ishte një nga figurat më të larta të UÇK-së në atë periudhë./lajmi.net/
- Advertisement -
